5 2023 UNDERGRADUATE PROSPECTUS MOLAETŠA GO TŠWA GO MOTLATŠAMOKHANSELIRI LE HLOGO E se kgale o tla be o thoma leeto le mpsha. Dikgetho tšeo o di dirago ga bjale, menyako yeo o kgethago go e bula ga bjale, di tla ba le khuetšo ye e tseneletšego mo bophelong bja gago. Tše pedi tša diphetho tše bohlokwa kudu tše o tla go di dira ke gore o tlo ithuta eng le gore o tlo ithuta kae. Ke yunibesithi efe yeo o tlo go e kgetha gore e be legae la gago? Ge o kgetha go ba le Yunibesithi ya (UJ), leeto la gago le rena le tla go iša go mahlagahlaga le magato a magolo go ya boyo bja gago bja dithuto. Yunibesithi ya rena e atlegile ka go dira bonnete bja gore re aba thuto ya boleng bja godimo le ge go na le ditlhohlo tša go tlišwa ke leuba. Lefaseng ka moka, re itemogela diphetogo ka lebelo leo le sego la tlwaelega. Afrika Borwa, kudu, e ikhwetša e katana le seemo sa tlhohlo ye itseng. Kgahlanong le seemo se, tsepelelo ya rena go nyakega gore e be go hlola madira a baetapele ba go tia bao ba ka mafolofolo le ka diphetho tša maleba ba ka re išago ka go bokamoso – bjo bo tšwetšago pele o mongwe le o mongwe. Thuto ke motheo wa maitapišo a. Bao bas a tsebego, ba ka se etepele. Ka mo (UJ) re ikgafile go hlolela maemo a gore o tle o be o mongwe wa baetapele ba tlhohleletšo le mafolofolo. Maikemišetšo a rena a magolo ke tšwelopele ya gago ka mo dithutong le tlhabollo ya bohlale le gore la bofelo re betle sealoga seo se tlabaketšwego ka botlalo go ya kgaolong ya maphelo a bona ye e latelago, e ka ba leeto la dithuto tša ka morago ga tikrii ya mathomo goba lefaseng la mošomo. Pono ya rena ke go le ruta gore le be batšeakarolo ba mafolofolo ka go Phetogo e Kgolo ya Bone ya Intasteri (4IR), moo theknolotši e fetolago mahlakore ka moka a maphelo a rena, go akaretša magae a rena le mafelo a mošomo. Leuba ka nnete le bontšhitše gore se ke bokamoso. Ka mo UJ, o tla kopana le menagano e me kaonekaone ya thuto go tšwa ditšong tša go fapana, tšeo di phatlaletšego mo lefaseng, bao ba tla go go thuša katlegong ya gago ya dithuto. Go na le kgetho yeo e phatlaletšego ya mananeo a maemo a godimo kudu, go tšwa go diploma tša ka fase go ya go ditikrii tša bongaka ka mo go difakhalithi tša rena tše šupa le kholetšhe e tee. UJ e amogetše mekgwa yeo e tletšego ka theknolotši ya go ruta le go ithuta, yeo e bapetšwago gabotse le ya diyunibesithi tše di kaonekaone mo lefaseng. Maemo a lefase a UJ le thuto ye e tiilego di tsebja ke ba mehuta ya kelo ya maemo a godimo kudu ka go thuto ya godimo mo lefaseng. Mo mengwageng ya bjale, UJ e tšweletše bjalo ka moraloki wa phenkgišano, e sego fela ka mo Afrika Borwa eupša gape le mo kontinenteng, e bile e ile godimo kudu ka go maemo a. Re tliša šedi yeo e sa fetogego go oketša boitemogelo bja gago bja go ba moithuti. Go thuša go fetoga go tšwa sekolong go tla yunibesithi, Lenaneo la Boitemogelo bja Ngwaga wa Mathomo la UJ le fana ka thekgo le menyetla ya tlhabollo, mola mananeo a thuto a maatla le thekgo ya bathušabafahloši a dira bonnete bja gore go ba le leeto leo le kopanego ka nako ya dithuto tša gago tša yunibesithi. Lenaneo la rena la Boitemogelo bja Mengwaga ya ka Godimo le tla go kaonafatša go ya go ngwaga wa gago wa mafelelo, go aloga le ka morago ga moo. Mekgwa e mengwe ya thekgo le menyetla ya tlaleletšo e tla thuša go tlhabollo ya gago ka botlalo. Baithuti ba rena ba bopa karolo e bohlokwa ya leloko la UJ. Ka tlaleletšo ya go ba re fana ka tikologo ya lethabo, polokego, thekgo le ya go tsošološa bohlale, re fana gape ka menyetla go wena go katološa kgokanyo ya gago. O tla kgona go godiša kgokagano ya bagwera yeo e tla go kgotlelela bophelong bja gago ka moka. Ka mo UJ, gape re na le kgahlego ka ga tirelo ya setšhaba le go tliša diphetogo ka mo setšhabeng sa rena. O tla hwetša monyetla wa go ikopanya le baithuti ba bangwe gore o tliše diphetogo tše di botse. UJ ke yunibesithi e mpsha ya matšato e bile dialoga tša rena di tlogela maswao a bona ka mo nageng ya rena, kontinenteng le go feta. UJ e go fa monyetla gore o be motho yo a naganago ka bofsa bokamoso gore o hole lefase la rena – moemedi wan nete wa leswao la UJ. Ke nako ya gago ya go hlama mehlala e mefsa le go dira leswao la gago mo setšhabeng. Bjo ke bokamoso bja gago, bjo bo nagannwego bofsa! Kgetho ya gago ya UJ bjalo ka legae la gago la tša thuto ke peeletšo e kaonekaone yeo o ka e dirago. Prof Tshilidzi Marwala Motlatšamokhanseliri le Hlogo
RkJQdWJsaXNoZXIy MjU1NDYx